Popular Bible Verses from Gyenesise 49

Share

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Yosef te bakaa mmaen frɔmfrɔm bɔ osu ɔ, bakaa mmaen frɔmfrɔm bɔ osu ná opingye asue ti ɔ; ye mmaen bua kogua fasue so. Agyaentolɛfoɛ dwɔsole tiale ye serɛserɛ, bɛfale agyaen bɛneane ye so bɛtole, na bɛtanene ye nye paa

nakoso wando ye agyaen ne, Ɔnate Yakob ye Tuminiɛ ne ye anwoserɛ ti, ye abasa nu kɔyɛ se. (Ɔnate Mmoaenneafoɛ bɔ yeɛ ɔte Yisrael Nyɔbotaen ne dumaa nu). Wɔ baba ye Nyameɛ yeɛ ɔkɔboka wɔ ɔ, Ɛdangama Nyameɛ yeɛ okoyira wɔ ɔ, ɔkɔfa nyameɛso anwuro anwuro saleɛ yeɛ okoyira wɔ ɔ; aseɛ bo dɔ saleɛ buma bɔ ɔtrɛ ɔ, nyɔfone ne aworɛ nu saleɛ yeɛ ɔkɔfa koyira wɔ ɔ.

Yuda, eliɛma mɔ kɔkamvo wɔ, na ɛkɔfo kɔtena wɔ pɔfoɛ mɔ kɔme so; ɛse amma mmienzua mɔ kɔkoto wɔ. Yuda te gyata akrɔngrɔma, bɔ eku ngaka di ná esa bada wɔ boso ɔ. Okunduni, na obutuli berɛ kyɛ gyata, ɔte kyɛ gyata beleɛ; nwa yeɛ onzuro bɔ okotingye ye ɔ?

Ruben, wɔ yeɛ ɛte me bamuɛbaa ɔ, m’anwoserɛ, me sɛngyerɛnneɛ bɔ oli moa bɔ okyire kyɛ nde bienzua ɔ, w’anidie tra so, yeɛ wɔ tumi koso tra so. Ɛwosowoso kyɛ nzue, yiti wɔ panyililɛ ne kɔbɔ wɔ, ofikyɛ ɛne ɛse aye bɛlale; ɛɛlale me bɛen so, eguale ye nwo fiɛ.