Popular Bible Verses from Yohane 15

Share

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Ɛ́mɔtena me nu, ná me koso ndena ɛmɔ nu. Na kyɛbɔ mmaen bɔbɔ ngora nzu mmaa, bɔ sana ɔtena bobe ne anu nen, sɔ ala yeɛ ɛmɔ koso ɛmɔngɔhora ɔ, sana ɛmɔtena me nu.

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Ebiala nne berɛ bɔ ole ɔdɔ bɔ ɔtra ɛhe ɔ, kyɛ ebie kɔfa ye ngoa kɔto berɛ kɔma ye damvo mɔ ɔ.

Me nwo mmaen biala bɔ onzu mmaa ne, ɔpɛ to; na mmaen biala bɔ osu mmaa ne de, ɔye ye nwo, amaa ɔnate so wasu mmaa pee.

M’ahyɛdeɛ ne ɛhe: kyɛ ɛmɔhurohuro ɛmɔ nwo dwirɛ, kyɛbɔ mahuro ɛmɔ dwirɛ ne.

Na ɛhe anu yeɛ ɛmɔhyɛ me Baba animnyam ɔ, sɛ ɛmɔsu mmaa pee a, na ɛhe yeɛ ɔmaa ɛmɔyɛ m’asuafoɛ ɔ.

“Me ole nahorɛ bobe ne, yeɛ me Baba ole kuaniɛ ne.

Na sɛ ebie wandena me nu a, begyi ye bɛto kyɛ bakaa mmaen, na ɔkese; na bɛboaboa mmaen nemɔ noa begua see nu bɛyera bɛ.

“Mahã ɛhemɔ mahyire ɛmɔ, kyɛbɔ m’anika kɔtena ɛmɔ nu, ná ɛmɔ anika wali mu ɔ.

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Ahyɛdeɛ he yeɛ mefa mema ɛmɔ ɔ, kyɛ ɛmɔhurohuro ɛmɔ nwo dwirɛ.

Sɛ ɛmɔfi wiase a, ahaa wiase kohuro ɛmɔ dwirɛ kyɛ ye bɔbɔ ye deɛ. Na ɔnate kyɛ nna wiase yeɛ ɛmɔfi ɔ, na mmom me yeɛ maneanea nu maye ɛmɔ mafi wiase ne ati, yiti yeɛ ɔma wiase pɔ ɛmɔ ne.