Popular Bible Verses from Mwandzo 27

Share

Mlungu akuphe mvula nyinji na minda ya rutuba ili uphahe mavuno manji na uchi munji. Makabila gosi nagakuhumikire, atu osi naakugbwerere maguluni. Ukale mkpwulu wa nduguzo, nao naakugbwerere maguluni. Yeyesi ndiyekulani naye naalaniwe, ndiyekuazira manono naajaliwe.”

Esau achiamba, “Ndiyo mana aihwa Jakobo! Wanichenga kano mbiri: Ra kpwandza wahala uvyere wangu na vino lola, akahala baraka zangu.” Halafu achiamba, “Dze, kunisazirire baraka yoyosi?”

Ndipho ise achimuamba, “Makalogo gandakala kure na minda yenye rutuba, kusikogbwa manena kula mlunguni. Undaishi kpwa upanga, na undamhumikira mwenenu. Ela undiphovundza gogolore undakala huru, na kundamhumikira mwenenu tsona.”

Esau achimuambira ise, “Kpwani che una baraka mwenga bahi, baba? Nijaliya nami baba!” Esau wakota kululu achirira.