Popular Bible Verses from 1 Mose 49

Share

Maṅtše̱tšo edšeṅ Iuda deṅ, ni no̱yelitšo hũ edšeṅ enãdši ateṅ, ke̱-yaši beyino̱ ni mo nõ ni dši le̱ aaba, ni le̱ toi mãdšimãdši le̱ aabo.

Iosef le̱, tšo ni woo̱ yibii ni, nu ni baä he tšo ni woo̱ yibii ni, ni enidši le̱ kwō̱lo̱ö̱ gbogbo. Gãitšẽlo̱i efele̱ nidō̱nii, ame̱tšẽrẽle̱, ni ame̱wale̱ yi.

Ši egãi le̱ emli wa kpẽṅṅ, ni eni-dši ke̱ ekõdši ahe ye̱ oyá, edše̱ Iakob kãkãlo̱ le̱ deṅ, edše̱ tōkwe̱lo̱ ní dši Israel te̱sā le̱ gbe̱i amli, edše̱ otše̱ Mawu le̱ ṅõ ke̱ moni dši Ofe le̱ ṅõ, le̱ eeye ebuao, ni eedšō̱o ke̱ dšō̱mo̱i ni dše̱ ṅwei ye̱ yiteṅgbe̱, ke̱ dšō̱mo̱i ni dše̱ bu ni yo̱ šiši le̱ mli, ke̱ fufo̱ dšō̱mo̱i ke̱ fo̱mo̱he dšō̱mo̱i.

Iuda, bo oyi onyemimei le̱ aadšie! Onine aakã obenye̱loi akue̱; otše̱bii le̱ aakotoō. Dšata binū dši Iuda; mīle̱lo no̱ ote ši ke̱-dše̱, mibi. Ēkoto ši, ēbu ši tamo̱ dšata, tamo̱ dšatayō; namo aawo ehĩe la?

Ruben, bo dši mikromo̱bi, mihewale̱ ke̱ minyẽmo̱ šišidšē, kleṅkleṅmo ye̱ wōgbe̱ ke kleṅkleṅmo ye̱ no̱yeligbe̱. Otſaä tamo̱ nu, ofeṅ kleṅkleṅmo; *edšake̱ okwo̱ otše̱ sā le̱, ke̱ke̱ ṅi obulele — misātšo le̱ ekwo̱!