Popular Bible Verses from Gaoi 2

Share

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Na lotou kataki fualoa i le akonaki a le kau apositolo, mo le komunio fakatautaina, mo le tofitofi o le pane, ti mo faikole.

Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Ti fokifa kua au loa mei le lagi se gugulu ofaipe se gugulu o se matagi makeke ai, o fakaapele le fale katoa leia na lotou nonofo ai. Ti ko ni alelo, ofaipe ni alelo afi, na sa loa kia latou, ti na ifo loa kia latou taki toka tasi. Na lotou apele fuli loa i le Laumalie Maokioki, ti na lotou kamata masau loa i ni iki ake masau o mulimuli ki lona tuku ake kia latou e le Laumalie Maokioki.

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie, o fakamalo ki le Atua, ti mo alofainai e le kakai katoa. Ti na fakaulu e le Aliki i le aso taki tasi ki le Ekelesia latou fuli kua saofaki.

I aso fakamuli, e pati le Atua, e kau tufaki loa loku Laumalie Maokioki ki kanofi fuli ; Efaikikite loa okoutou vosa mo okoutou taineliki, Emaua loa e okoutou kau tupulaga ni tio, Ti e maua loa e okoutou kau matua ni moe miti.

Ko latou fuli ala na tui na nonofo i se ganea e tasi, ti na lotou maua fakatasi a nea fuli. Na lotou fakatau olatou kele mo olatou koloa, ti na lotou tufatufa ia latou fuli lona paaga, o mulimuli ki le nea leia e aoga ki le tagata taki toka tasi.

Ti ko leia e fetapa loa ki le suafa o le Aliki, e fakamauli loa.

E fakapouli loa le laa, Ti e toto loa le masina, Imua o le soko o le aso o le Aliki, Ole Aso lasi lena ti mo fakakololia.