Popular Bible Verses from Soane 15

Share

Ko au ko le tafito vite, ko koutou ko laa vite. Ko leia e nofo iate au, ti e kau nofo iate ia, e fua a ia o lasi, talie ka sala mo au e leaise kotou mafai se nea.

Kotou nonofo iate au, ti e kau nofo loa ia koutou. Ofaipe le laa vite e leaise mafai ke fua iate ia totonu, mo kapau e leaise pipiki a ia ki le tafito vite, e toe tatau foki mo koutou, e leaise mafai ke kotou fua, mo kapau e leaise kotou nonofo iate au.

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

E leaise ko koutou ala na filifili ia au ; kae ko au, kua kau filifili koutou, ti kua kau fakanofo koutou, o tupu ke kotou ano, ti ke kotou maua se fua, ti ke tologa lokoutou fua, o tupu ko nea fuli ala e kotou kole loa ki loku Tamana i loku suafa, ke soli atu e ia kia koutou.

E leaise alofa e toe lasi ake i le soli o lona mauli o tupu ko ona kaukau nea.

Ko laa fuli iate au e leaise fua, e tuuti e ia ; ti ko laa fuli e fua, e muto e ia, o tupu ke toe asilisili fua a ia o lasi ake.

Ko leinei laku fakatotonu : Kotou fealofani, ofaipe loku alofa kia koutou.

Kapau e kotou fua o lasi ai, e fakakololia loa i ai loku Tamana, ti e kotou liliu loa i ai ko aku tisipulo.

Ko au ko le tafito vite maoki, ti ko loku Tamana ko le tagata faivite.

Kapau e leaise nofo se tasi iate au, e tiaki a ia ki fafo ofaipe le laa vite, ti e malo a ia ; ti e tanaki a ia o ti ki le afi, ke ulaula i ai.

Kua kau fakasa a nea ana kia koutou, o tupu ke nofo loku fiafia ia koutou, ti ke katoa lokoutou fiafia.

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Ko le nea leia e kau fakatotonu atu kia koutou : kotou fealofani.

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.