Popular Bible Verses from Soane 19

Share

I le too e Sesu o le vinika, na pati loa a ia : Kua katoa nea fuli ai. Ti na mapelu loa lona ulu, ti na tuku loa e ia lona laumalie.

Sili aia, ko Sesu, leia na iloa ia kua soko nea fuli, na pati loa, o tupu ke fakasoko le Tosi : E kau fia inu.

Koia i le tio a Sesu ki lona tinana, mo le tisipulo leia na alofa a ia ki ai i tafa o lona tinana, na pati loa a ia ki lona tinana : Fafine, ko lena lou tama. Ti na pati loa a ia ki le tisipulo : Ko lena lou tinana. Ti talu mei le lakaga lena, na too loa a ia e le tisipulo i lona kaiga.

I lalatou fakafeofi ake kia Sesu, o tio kua mate a ia, na leaise lotou fatifatii loa ona vae ; Kae na sokai loa e se tasi o le kau solia lona vakavaka ki se tao, ti na sali loa mei ai se toto mo se vai.

Na fai a nea ana, ke fakasoko ai le Tosi : E leaise fatii loa sona ivi fua e tasi. Ti na toe fakasa foki e le folafola

Na amo loa e Sesu lona koluse, o kaku ki le ganea o le ulupoko, leia na igoa i le fakaepeleo ko Kolokota.

Ti na fili loa e le kau solia se palaa talatala o teki ki lona ulu, ti na lotou fakakofu loa a ia ki se taupulupulu kula ; ti na lotou fakafeofi ake loa kiate ia