Popular Bible Verses from Luka 11

Share

Kapau loa, ko koutou, ala ko nea agaveli, e kotou poto i le soli o nea malilie ki akoutou fanau, pe feaki ake loa le lasi o le fia soli e le Tamana i Selo o le Laumalie Maokioki kia latou ala e kole ake ia kiate ia.

Ti ko au, e kau fakasa kia koutou : Kotou kole ti e soli atu loa kia koutou ; kotou afa ti e kotou maua loa ; kotou fitifiti ti e fakamavaa atu loa kia koutou.

Talie ko leia e kole e tali, ti ko leia e afa e maua, ti e fakamavaa ki leia e fitifiti.

Na pati loa Sesu kia latou : Ka kotou faikole, ti kotou pati : Tamana ! Ke tapusa lou suafa ; ti ke au lou pule.

fakamolemole mai ki amatou agasala, talie e motou fakamolemole foki kia latou ala e agasala mai kia matou ; ti aua na ke tuku matou ki le fakasala.

Soli mai kia matou le pane o aso taki tasi

Ko lou mata ko le malama a ia o lou tino. Kapau e malie lou mata, ti e malama lou tino katoa ; kae kapau e veli lou mata, ti e nofo lou tino i le fakapouli.

E leaise tutu e se tasi se malama ke tuku ki se ganea fakapulipuli pe ke fakapulou ki se kisi, kae e teki a ia ki le tekiaga malama, o tupu ke tio latou ala e ulu ki le malama.