Popular Bible Verses from SENESI 32

Share

Pea nee toe ui leva e te tagata: E mole ke toe higoa anai ko Sakopo, kae e ke higoa anai ko Iselaele; koteuhi nee ke fagatua mo te Atua pea mo ni tagata, pea kua ke malo.

Pea nee ui leva e te tagata: Tuku mai au ke au alu, koteuhi kua malama mai te mafoata. Nee tali leva e Sakopo: E mole au tuku anai ia koe ke ke alu, kae e heeki ke tapuaki mai kia au.

Nee nofo toko tahi leva ia Sakopo. Pea nee fagatua leva he tagata mo ia o kaku ki te mafoata.

Nee foaki leva e Sakopo te higoa ko Peniele ki te kogamea aia; koteuhi nee ina ui: Kua au sio mata ki te Atua, pea nee ina fakamauli toku mauli.

I te sio a te tagata nee mole malohi ia ia ia ia, nee ina taai leva ia Sakopo i te hokoga o tona kauaga; pea nee mahui leva te kauaga o Sakopo i tana fagatua mo te tagata aia.

Nee ui leva e te tagata kia ia: Ko ai tou higoa? Pea nee ina tali leva: ko Sakopo.

Pea nee fehui leva e Sakopo kia ia: E au kole atu kia koe, fakaha mai kia au tou higoa. Nee tali leva e te tagata: Kotea e ke kumi mai ai toku higoa? Pea nee tapuaki leva ia ia kia Sakopo i te kogamea aia.

Eteleno, e mole au gali mo te u kalasia fuli ae nee ke tuku mai kia au, mo tou agatonu katoa kia au ko tau tagata faifekau; koteuhi nee au fakalaka i te Solotane aeni mo toku tokotoko, pea koeni kua au nofo mo ni nofoaga e lua i te aho nei.

Koia ae e mole kai ai e te u fanau o Iselaele o kaku mai ki te aho nei te kanomate o te alaga, ae e pipiki ki te hokoga o te kauaga, koteuhi nee taai e te Atua ia Sakopo i te hokoga o tona kauaga.

Nee faikole leva ia Sakopo, o ui: Atua o taku tamai ko Apalahamo, Atua o taku tamai ko Isaake, Eteleno ae nee ina ui mai kia au: Toe liliu ki tou fenua, pea ki te kogamea ae nee ke tupu ai, pea e au fai anai kia koe te mea ae e lelei.

E au kole atu kia koe, ke ke fakamauli au mai toku tehina ko Esau, koteuhi e au mataku kia ia, pea e au mamahi naa hau o tamatei au, mo te u fafine, mo te u fanau.