Popular Bible Verses from SENESI 41

Share

Nee tali leva e Sosefo kia Falaone: E mole ko au! Kae ko te Atua ae ka ina foaki anai he tali lelei kia Falaone.

Pea nee ui leva e Falaone ki ana minisi: E nofo te tagata aeni mo te Laumalie o te Atua. Pe e tou toe mau anai he tahi age tagata e tatau mo ia aeni?

Pea nee ui leva e Falaone kia Sosefo: Koeni kua fakaha e te Atua kia koe te u mea fuli aeni, e mole toe mau anai he tahi age tagata ae e toe atamai mo toe poto age ia koe. Koia, e au fakanofo ia koe ke pule ki toku puleaga, pea e fakalogo anai taku hahai katoa ki au fakatotonu. E au mahili pe ia koe i te hekaaga fakahau.

Pea nee ina foaki leva ki te lua foha te higoa ko Efalaimi, koteuhi nee ina ui: Kua foaki mai e te Atua kia au ni fanau i te fenua aeni nee au mamahi lahi ai.

Nee foaki leva e Sosefo ki tona foha uluaki te higoa ko Manase, koteuhi nee ina ui: Kua tuku e te Atua ke au galoi oku mamahi fuli mo taku mamao mai te fale katoa o taku tamai.