Popular Bible Verses from EVASELIO A LUKA 18

Share

Nee fai leva e Sesu kia natou he folafola fakatata, ke fakaha e tonu ke faikole tuumau, kae aua pe naa natou lotovaivai.

Pe e mole haofaki anai te Atua tana kau filifiliia, ae e kalaga kia ia i te aho mo te po? Pe e tuai anai ia kia natou? E au fakaha atu kia koutou, e vave anai tana haofaki natou. Kae, ka hau anai te Foha o te tagata, pe e ina mau anai te tui i te kele?

Nee tali leva e Sesu: Ko te mea ae e mole fealagia e te tagata e faigafua ki te Atua.

Nee fakafisi leva ia o fualoa. Kae ki muli nee ina ui leva i tona loto: E mole pe au mataku ki te Atua pea e mole pe au tokagai he tahi, kae, koteuhi e fakahohaa mai te finetaka aeni kia au, e au haofaki anai ia i te fakamaau, o tupu ke aua naa mole toe gata tana tautau hau o fakakinakina mai kia au.

E au fakaha mooni atu kia koutou, ko ae e mole ina tali te puleaga o te Atua o hage ko he kii toe veliveli, e mole ulu anai ia ki ai.

Pea nee paui leva natou e Sesu, o ui: Koutou tuku ke omai kia au te u toe liliki, kae aua naa kotou punupunu natou koteuhi e fakalogo te puleaga o te Atua kia natou ae e hage ko natou.

Pea nee ui leva e Sesu kia ia: Sio la, he kua fakamauli koe e tau tui.

Nee tali leva e Sesu kia ia: Kotea e ke higoai ai au lelei? E mole he tahi e lelei, ko te Atua pe toko tahi.