Popular Bible Verses from John 10

Share

Küpkami ye püka, heqhipithí eno kütsakungo nike ghengu likhi no ighi cheni; I no ighi keu ye panongu pelo aküxü ape niye ke, eno aküxü tipau hu kupukuno shi ape niye ke.

“Ni ye ambe kheu kiviu ke. Ambe kheu kiviu ye ambeqo ghenguno pa küxü tsüve cheni.

iw ambeqo no I sütsa ini cheni; I no panongu ithi ani, eno panongu no I pape cheni.

I no lhokta küxü panongu tsü, eno panongu ye khilemu pühavemo nani; khunomu I u lono panoqo süxa pewumo nani.

Ni ye khagho ke; khukhumu I vechesü ilo kemi ye sükusho anani. Panongu no iloghi eno ipeve anani eno atsüni kümtsha phulu nani.

“Ni ye ambe kheu kiviu ke; I no I mbeqo ithi ani eno I mbeqo no ni ithi ani

I pù khuu no panoqo pesü I tsü keno pa ye kümtsü nguno akijeu ke; khunomu I pù u lono panongu süxa müla nani. Ni eno I pù ye lakhi ke.”

tiye I pù no ni ithi eno I no I pù ithi akeu toi ke—eno I no ambeqo ghenguno I küxü tsüve cheni.

Khunomu I lau no aküxü ikhiluve mülae, ikemu I no I ghò shi no ikhiphe pe tsüve anike. Ni ye ikhiphe pe tsü nikeu ngò ikhi chileluve kepu kükagha anie. Ni ye I pù lau no azakütsü hipau ithulu ke.”

Tighenguno Jisü no itaghi pi, “Kuchou no I no nongu vilo pìní, ni ye ambeqow khagho ke.

Aqe kiqemi ye akheu kumo ke eno ambeqo pighi chemoe. Ike kughou pa no tüngtügha chekeu ithuluni keno pa ye ambeqo likhi qhive no pove cheni. Tisheno tüngtügha no ambe lojiqo le no hapiyepighive tsü chenie.

“Phariseemiqo! Kuchou no I no nongu vilo pìní, khukhumu ambe khagho lono ambe khaküthabo lo ilomo püzü alaghi kütau lono milisü iloghini keno, pa ye küpkami eno süxakulumi lakhi ke.