Popular Bible Verses from Mark 14

Share

Pa no ishi pi, “ Abba, Apùo, O ghengu ye thowkha kümtsü shikulupu ani. Aghime jikhu hipau I lau no ikhipesü wuve tsülo. Ikemu I pulou kumo no O pulou shilo.”

Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani, ikemu ashi-aji no miqemilei anie.”

Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”

Jisü no pano küthü vilo pi, “Ni ye amloghime no thiveni ke shivae, hilehi ngo no jukuto alo.”

Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”

Tisheno pa no ajikhu lakhi ikhilu püzü shikimthi tsüve kethiu akhopemiqo tsü, eno panongu kümtsü ajikhu tipau lono shoe. Jisü no panongu vilo pi, “I jì hipau ye puloshoqhi jì ke eno hiye timi kutomo ghenguno peleve keu jì ke.

Jisü no panoqo vilo pi, “Nongu kümtsü I qhive nani,” kughengu ishi yèpüani: “ ‘I no ambe kheu ghüzave nani, eno ambeqo ye apanaghave nani.’

Ithulo! Ningu wuveni shilo. I küghape thechu shive niye akeu hu ye hi ighivae.”

Jisü no khochile, “Kuchou no I no O vilo pìní, ‘Ishí, tiye itiji awudu no ghuthu kini igha mphi züu, O likhi no ye ghuthu küthü I milive nani.’ ”