Popular Bible Verses from Matius 14

Share

An tutuw kapendamanna en deges repet, maindé'o sia wo metine-tinepo, wo sia mangko', “Tuang, tawangenai aku!” Wo makala'us yulur i Yesus eng kama-Na wo timboien-Na si Petrus, wo icua-Na, “Éi, tou ra'ipé' talos maéman, kéitu réén ko marua-rua wasa?”

An tutuw kapendamanna en deges repet, maindé'o sia wo metine-tinepo, wo sia mangko', “Tuang, tawangenai aku!”

Taan makala'us icua i Yesus ai séra, “Meneso! Si anioo Aku, tioo maindé'.”

Wo icua i Petrus, “Tuang, sa Ico itu, iru'du'o aku maai a si Tuang maya' am bawo in dano.” Icua i Yesus, “Mayoo!” Wo si Petrus si an londéi, tumumpa wo maya' am bawo in dano maangé a si Yesus.

Sé tou an londéi itu kumuru en sumiri' Sia wo kumua, “En ulitna si Tuang Toyaang i Amang Kasuruan.”

Taan icua i Yesus, “Séra ra'io sangali maréng. Séra musti wéan iow kanen.” Isowat éra, “Guru, eng kakanen ai cami wayake' in lima roti wo rua sera'.”

Icua i Yesus, “Paalino mai a Yaku.” Wo iru'du'-Na sé tou keli lumukut an dukut. Kekawus in itu indon-Na sé lima roti wo sé rua sera' itu wo Sia kumanat angé an langit kumua i makapulu'sama'. Te'bi-te'biin-Na e roti itu wo yéké-éké a sé murit-Na. Wo yéké é murit-Na a sé tou keli.

Séra im baya icuman akar i mawesu. Wo umungen éra eng kakanen sé imatela'u, eng kakelina sangapulu' rua wantang tiruw.