Popular Bible Verses from Matius 24

Share

Wo eng kaléwo-léwo'an pengaémaan é tou makaawes, akar keli ka'i sé tou ra'io mengaupus sé tou walina. Taan sé tou le'tek makiit Yaku akar imaté séra makéré oka ing kalowiran.

Wo en Abar Kaaruien andumoro' ing Kakolanoan in Sorga ipakua-kua oka am bisa-wisa asi kayo'baan anio', e mamuali kasairian a sé pakasa é tou. Kumawus in itu maayo en endo kaka'puan ing kayo'baan.”

Wo kalingaan iow oka en téngéna im perang, wo en abar andumoro' im perang. Taan mandé in taniitu mareti-retio wo tioo kamu maindé'. Pakasa en itu musti mamuali, taan ra'ipé' an orasna ing kaka'puan ing kayo'baan.

Ampa'paan maai oka en orasna si esa bangsa mensunduran oka wo sé bangsa walina, si esa kakolanoan mensunduran wo sé kakolanoan walina. Wo awéan oka ka'i kaareman wo ka'i tana' mangéro' am bisa-wisa. Taan pakasa en itu asalopé' to'tolan ing kawenduan tutuw ra'ipé' mai en jaman weru.

En langit wo eng kayo'baan maka'pu oka taan e nunuwu'-Ku ra'ica maka'pu akar ing kauré-uré.”

Ampa'paan kelian tou e maai maké i ngaran-Ku wo makua in tana'i, ‘Yakuo si Kristus!’ Wo séra sumélé'kow oka sé tou keli.

An tutuw itu kamu ka'i isarakan oka éra en okoien wo patén, pakasa im bangsa masuut oka icamu ampa'paan kamu makiit Yaku. Wo asi témpo itu, keli en tou sé maéman, ra'io ka'i maéman a Yaku. Séra mengking-kianatan wo mengkasuutan. Kelian sé nabi ra'ica wutul mapaturu' oka wo sumélé'kow sé tou keli.

Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou.

Taniitu ka'i wo icamu, matéi-téir angé ampa'paan si Toyaang i Tou maai oka sumawel asi oras si ra'ica pinaarap iow.”

Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai.

“Ra'ica wana tou e makailek in endo wo in jam si Toyaang i Tou maai sumawel. Sé malaékat an sorga ra'ica makailek, si Toyaang i Tou ka'i ra'ica makailek, wayake' si Amang in esa e makailek.

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Ampa'paan tambisa e mamuali an jaman i Nuh, taniitu ka'i e mamuali oka a si Toyaang i Tou an tutuw-Na maai sumawel. An jaman i Nuh itu an tutuw ra'ipé' imai en sonop wangko', eng katouan é tou asalo si mengangan wo si mengele-ngelep wo mamualio kanaramen éra sé tuama wo sé wéwéné mengkang-kawéngan akar asi endo i Nuh sumaké ang kapal wangker. Wo ra'io kailekan é tou itu en sonop wangko' maayo mai lumesem séra im baya. Taniituo ka'i e mamuali a sé tou ra'ica matéi-téir an tutuw i Toyaang i Tou tumarépé'anke' maai sumawel.