Popular Bible Verses from Yohanes 8

Share

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Ni kamu é mata'u ung kaulitan wo ung kaulitan itii é mangun ni kamu ipilot im witu um pahata-atan.”

A si Yesus kumuama wia sé tou Yahudi sé ma'émano wia ni Sia, “Sa ni kamu zéi'kan mazéi' i mahkiit a nuwu'-Ku, ni kamu én uli-ulit pahtuzu'eng-Ku.

Niitumo, sa si Oki' ni Opo Empung si nimilot ni kamu im witu um pahata-atan, ni kamu én uli-ulit méipilot im witu um pahata-atan.”

I ni séra zéi'kan mazéi' i meliga-ligau wia ni Sia, a Sia tumeréné a mahkua wia ni séra, “Séi uman im wia ni kamu si zéi'kan siapa singkéla', si tou itiimo si puuna i merit si wéwéné kenu karia am watu.”

Kuan ni Yesus wia ni séra, “Uli-ulit ikua-Kuma wia ni kamu, péléng sé tou mahwangun a singkéla' én ata a singkéla'.

A si Yesus tumeréné ang kumua wia si wéwéné itii, “É Ina', wisamo séra? Zéi'kan siapa ndéén zozo' in esa si nimukum ni ko?” Kuana, “Zéi'kan siapa, Tuang.” Ang kuan ni Yesus, “Ni Aku kangkasii én zéi'kan mukum ni ko. Mangémo wo rengan in tarékan, tia'mo memangu-mangun a singkéla'.”]