Popular Bible Verses from Matius 25

Share

Kong nanti tu Raja itu mo manyao pa dorang bagini, ‘Kita bilang pa ngoni, samua tu ngoni da beking for sala satu dari Kita pe sudara-sudara yang orang ja anggap nyanda penting, ngoni so beking itu for Kita.’

Kong de pe tuang itu bilang pa dia, ‘Bagus skali tu ngana da beking, hei budak yang setia deng yang da karja bae-bae. Ngana so setia urus tu hal yang kacili, jadi kita lei nanti mo kase percaya pa ngana tu hal-hal yang basar, so itu mari jo maso ka dalam kong basnang-snang deng kita!’

Soalnya tiap orang yang so urus bae-bae apa yang da kase pa dia, dia mo dapa tamba lebe banya lei sampe mo talebe-lebe. Mar orang yang nyanda urus bae-bae apa tu ada kase pa dia, apa jo yang ada pa dia mo dapa ambe dari pa dia.

Kong Yesus bilang lei, “So lantaran itu bajaga-jaga jo, soalnya ngoni ini lei nintau hari ato tempo apa tu waktu itu mo jadi.”

Soalnya waktu Kita lapar, ngoni kase akang makang pa Kita. Waktu Kita aus, ngoni kase akang minum pa Kita. Waktu Kita jadi orang asing pa ngoni pe tampa, ngoni trima Kita pa ngoni pe ruma.

Kong tu de pe tuang itu bilang pa dia, ‘Bagus skali tu ngana da beking. Ngana memang kita pe budak yang setia deng da karja bae-bae. So lantaran ngana setia di hal-hal yang kacili, kita mo kase percaya akang pa ngana tu hal-hal yang basar, so itu mari jo maso ka dalam kong basnang-snang deng kita!’

Waktu Kita nyanda ada baju, ngoni kase akang baju pa Kita. Waktu Kita da saki, ngoni datang urus pa Kita. Waktu Kita di bui, ngoni datang lia pa Kita.’