Popular Bible Verses from Markus 2

Share

Yesus dapa dengar itu kong Dia bilang pa dorang, “Bukang orang sehat tu perlu pa dokter, mar orang saki. Kita datang bukang for pangge tu orang-orang yang anggap dong ja beking tu butul, mar Kita datang for pangge tu orang-orang berdosa supaya iko pa Kita.”

Waktu Yesus lia tu dorang da beking, Yesus tau dorang percaya pa Dia, kong Dia bilang pa tu orang lumpu, “Ngana pe dosa-dosa so dapa ampung.”

Kong Yesus bicara lei pa dorang, “Tu hari Sabat, Tuhan Allah da beking for jadi berkat pa torang manusia, Dia nyanda beking manusia cuma for iko tu atoran hari Sabat.

Mar lantaran so talalu banya orang, dorang nyanda dapa bawa tu orang lumpu itu pa Yesus. So itu dorang bongkar tu atap di atas pa Yesus, trus dorang kase turung tu orang lumpu itu pake tikar yang dia da tidor akang.

Mar skarang Kita mo kase bukti supaya ngoni tau kalu di dunia ini Anak Manusia ada kuasa for kase ampung dosa.” Kong Yesus bilang pa tu orang lumpu, “Kita bilang pa ngana, badiri jo, angka ngana pe tikar kong pulang pa ngana pe ruma!”

Mana tu lebe gampang orang mo percaya, Kita bilang pa tu orang lumpu, ‘Ngana pe dosa so dapa ampung,’ ato, ‘Bangong jo, angka ngana pe tikar kong bajalang.’

Trus tu orang itu badiri, dia iko angka de pe tikar, kong di muka banya orang dia kaluar dari ruma itu. Waktu itu samua orang taheran-heran. Dorang puji deng hormat pa Tuhan Allah, dorang bilang, “Blum perna torang lia tu kejadian rupa ini.”