Popular Bible Verses from لوقا 14

Share

«هر کی مه پَلی بی‌یِه و مِره ویشتِراز شه مار و پی‌یِر، زن و وَچه، برار و خاخِر، و حتی شه جان دوست نِداشته بوشه، نَتونه مه شاگِرد بوشِه.

و هرکی شه صلیبِ نَیره و مه دِنبال راه نَکِفه، نَتونه مه شاگِرد بوشِه.

اینِسّه که هرکی شه رِه گَت هاکانه کوچیک وونه و هرکی شه رِه کوچیک هاکانه سربِلِند وونه.»

هَمینِطی هیچ کدوم از شما هِم تا از تِمومِ شه دارایی دست نَکِشه نَتونده شاگرد مِن بووشه.

«اگه کسی بخواهه سِرِۀ بِسازه اول نیشِننه اون خرج کِرد رِه در نظِر گِننه تا بَوینه بِتونده وِنه خرججه بِر بی‌یِه یا نا اینِسّه که اگه پی اون رِه بَکِنه اما نتونه تکمیل هاکانه هرکی وِره بوینه مسخَره کانده گانه: ‹یارو شِروع هاکارده به سِره درست هاکاردن اما نَتونِسته اون رِه تکمیل هاکانه!›

پس وقتی میهمانی دِنی، فقیرون و معلولین و لنگون و کورها رِه دعوت هاکان تا ته زندگی دِله برکِت بِییه؛ اینِسّه که اونا چیزی نِدارنه که در عوض، ته رِه حادِن و شه پاداش رِه در قیامت پارساهون گِننی.»

«نمک خوب هَسّه، اما اگه شه مِزه رِه از دست هاده، چجوری تونده شه مِزه اصلی رِ بدست بیاره؟ نا به کار زمین اِنه و نا بدردِ کود زمین خاننه؛ بلکه اون رِه دور شَندِننه. هر کی گوش شنوا دانه بشنوهه!»