Popular Bible Verses from 1 Ioane 2

Share

Batibatii rioo nei niro imahebidioumo aue naiba nana batibatiwa airiadumo. Ina dubu nou batibati nana’i auwo niro imahebidiowa, Iehova niro na’i noumu ia biahai. Wia nana auwoha batibatiwa airiadumo, goho niro na’i wia idomai niro na’i wia kiiro koparo na’i, nouri nana nei Abea nana biahai, nei batibati nanari.

Ina batibati auwoha nei himia niro nana’i badi, neiio aiwaimo‐oropoiiuti; ata duburo Iehova niro na’i idodiaiwa nouvia kemidio kemidio tuturi.

Dubu nou naiba arowa, nou noumu emidiotuti, nou korohoiha moroho nou koroho aibo.

Mo mere keke, nouri nana mo rioido titi nou niati nouri rio ubauba kidia idodiaiwamo aue; ata, ina dubu nou ubauba kidia idodiaiwa, imoo na’u mea kiao dubu Abeamuri ainoworohodumo, nouvia Iesu Keriso, mea duburi.

Ina duburo naiba arowa: Mo nou umori, wia nou himia wade modobo nouro idodiai biahai, nou koromohuwodio duburi wia naiheha na’i noumu ia biahai.

Ina nou himia wade modobo imoo ainaimo‐idodiai, nou aibo imo umo naiba oitimoi imoo nou umori.

Dubu nou naiba arowa, nou pidawa remidio ina nou himia namu nou oriha reauri, nou duriiwa remidiodio.

Boti koromohuwo duburi? Nouri dubu nou naiba arowa: Iesu nou Keriso biahai, nou koromohuori. Nouri duburo Merera Abeara imatiomamawa, nouvia Keriso komobori uriori.

Dubu nou Mere ematiowa, nou Abea oworoho biahai; dubu nou Mere omowahuodiowa nouro Abea airiworoho.