Popular Bible Verses from Epeso 1

Share

Rio himia giopu idomai pida iwaimoi, nouri rio umoitimoi nouri kemahebidio na’i nouro imo ainimorourou, wia nouri meamea nana horohoro’i nou himia kirahoo nana tana‐oubimu. Wia nou himia tiaha pupuo nana imoido nou himia kiraromodio oubi, nou himia auwo pupuo kiwaati na’i. Naiba nou kidodiai Iesu Kerisomu nou ta’uwa nouro nou koihiaudo naibaha itorai wia nou himia tuiha hapuowa naibaha edea, toboro batibatiwa. Nouvia opuitori pai‐oubi auwoha wia kemapoioubi auwoha wia pupuo‐ubi auwoha wia kiwotoi‐oubi auwoha, wia nouvia opuitori auwoha paina oubio naibaha idutiwaumo; batibatinu nei gauwoha biahai, batibati amida do’o nei aiwaumo’ui.

Nou imo noumu tau niahuetaumo nou ta’uwa batibati kotoi na ia biahai, nouri imo tana nouwa nimowai wia soviori nou himia idomaito. Tauotauo imo nouro naibaha niapoi nou himia mereri, Iesu Kerisomu, nouri nou niro wia nou geii emahebidiowa nou aibo idodiai.

Imo himia kiitouti na’i imoo ainiworohodumo nou himia sawi noudo, nou tauwa imo noumuri. Imo himia ubauba kidia kiipiti na’i imoo ainiworohodumo mabu nouri nou himia niainiai kiwabatuti nou auwo auwori.

Imo Pai‐dubu Iesu Keriso, nou himia Urio‐abea wia Kahomai‐abea, geii na nouido mo’umo, nouri Nouvia imo geii tauniwai Kerisomu, urio geii nana auwoha nou ramu.