Popular Bible Verses from Ioane 19

Share

Ina Iesuro karakara wine obo tau idio nou naiba iaowa: Nou tau roropoiio, wia nou opu naibaha oroboria wia nou urio naibaha ohuodidio.

Dooudo ta’ui nouowa ina Iesu nou umori nana auwoha tau oropoiioumo, ina nouri titi kiati wade naiheha iwai, nou naiba iaowa: Mo obo niroi.

Nouri nou ta’uwa Iesuro nou himia mamu naibaha eauri wia nouri nou auwo niro kitomudio mere nou tarihawa otoa: nouro nou mamuido naiba iaowa: O’bo ta’auri ro merei. Ina nouri kitomudio mereido nou naiba iaowa, Taauri ro mamu. Wia nou ta’uwa nouri kitomudio merero nou himia motoito mamu naibaha aubuai.

Ata ina neiio Iesuido naibaha o’umo neiio naibaha oweaumo nou koihiairi, neiio nou horo eheboumo biahai. Ina na’u korowoto duburo nou gouwa pehoito naibaha adobo wia gamooha obora sawira naibaha oruodoiwaudo.

Nouri nana nou tau ododiai titi kiati wade naiheha iwai: Na’u horo nou himia horo’i ehebia raihe. Ina ata titi kiati wade naibaha iaowa: Nouri dubui neiio nou adoboumo neiio aiwaimo eaurituti.

Nouri neiio Iesu naibaha emahiiaumo naiba owohuoumo wia nouro naibaha ohuowa, nou himia satauro aotai nou himiaro, na’u batito naibaha owou, nou painari Opu horo bati, ata Iudaia oubio kahoori, Golgotha.

Wia korowoto oubio kiowa eperapera omowotumo wia nou opu ohuwa neiio naibaha aooaumo wia kaikarawi hipura neiio nou naibaha owamiteaumo.