Popular Bible Verses from Luka 14

Share

Ntthu akiweelaka mi, aaheenananeke athumwane, anumwane, amwaarawe, asaanawe, asunnawe, asirokorawe ni ciicammo ukumi awe woovikana mi, khanoorya ukhala mwiitthuci aka.

Ni ntthu phi ntthu aahikuseke nsalapa awe akittharaka mi, khanoorya ukhala mwiitthuci aka.

Phimaana, ntthu nohala wiicunnuwiha naahala uyevihiya ni ule nohala wiiyeviha, naahala wunnuwihiya.

Phimaana khula ntthu wa nyu, aahihiyeke citthu cothene cirinawe, khanoorya ukhala mwiitthuci aka.

Vano tipani wa nyu, aphavelaka uteka inupa awe, himpacera toko wunkoma, apankelaka ihisapu yovyoompo caahalawe uvarela nteko ni woonela wakhala wiira cinaatosera? Wiira hinteke caasaru, oolwanaka umaliha inupa iyo, ni anhala uvira ayo apaceraka untarawa, yiiraka: Ula nlopwan'ola cuwenle uhaculaca uteka nwo, nanso hoolwaana umaliha.

Nanso wapankaka isikuhuulu, waalattuleke atthu oohuva, owuntakyaa, oottumpela ni atthu oohoona; ni unhala ukhala ooreriya kontha ayo khaanhala woona itthu yowuulivyaanihera, nanso itthuvo aa unhala waakhela wanhalaya wunwelela atthu o'sariya.

Khweli, maakha ari itthu yoorera, nanso yalulaka, nnohala uturusela cani uciva waya nwo? Paahi khaarina tho icaayira watthayani ni khaanonttelaniha, anaarihiya paahi. Ule rina manyaru owiiwa, eewelele.