Popular Bible Verses from Luka 5

Share

Umaliha wawe wuulumaca nwe, ahomwiirela Simoni: Urwee nipuro no wiisa ni mwavonyerace matthavi inyu wiira ntothe.

Vano Simoni ahaakhula eeraka: Mwalimu, khanimala utotha uhiyu wothene, woohiphwanya itthu, nanso ukhala wiira nyu nhoolumaca, kinaavonyera matthavi ayo. Vaavale, uvonyeraca waya matthavi ale, yahovarihaca ihopa cinci mpaka matthavi ayo upacera waahuwaca.

Nanso Yesu ahokhuma phirwaaka utakhwani ni wonwo aanavekela.

Mi akiweenle weehana atthu o'sariya, nanso atthu ookosakosa wiira arukunuse mirima caya.

Simoni, woonnyawe commo, ahokhoromela wamettoni wa Yesu eeraka: Pwiya, nkhume waryaka va, kontha ki natampi.

Yesu ahaakhula eeraka: Kahiwena akumi phimmwaavya tothoro, nanso, aretta.

Vaavale yahopurulelaca ikalawa nnye ucenkweni, yahohiyaca cothene ni yahonttharaca Yesu.

Nkwaha mmoca, Yesu nari usittatti, ahomphwanya namakuttula mmoca. Ule umoona wawe Yesu, ahokhoroma mpaka upiiha iyuuci vathi, ni ahonvekela eeraka: Pwiya, mwatthunaka nawoorya ukivoniha! Yesu ahonthatela ntata mpaka unkwanya, eeraka: Kinaatthuna, uvone! Wowaakuvyaca wene, makuttula ayo yahonrimyarimya.

Phimaana uttitthima wa Yesu waanatepa umwaryeela cinene, ni atthu enci yaanathukumana wiira yamwiiwe ni yavonihinye iretta caya.