Popular Bible Verses from Marku 2

Share

Yesu weewilyawe cothene ahaakhula eeraka: Kahiwena akumi phimmwaavya tothoro, nanso, aretta. Mi akiweenle weehana atthu o'sariya, nanso atthu ookosa.

Yesu woona wawe ukupali waya atthu ale, ahomwiirela owuntakyaa: Mwanaka, itampi caa ciholeveleliya.

Ni ahopwahera eeraka: Ntivela nihopankeliya ntthu, ni kahiwena ntthu phipankeliye ntivela.

Ukhala wiira khayoorya unkusa mpaka waaryawe Yesu, nlattu wa atthu enci, yahophattulaca nivatho nne nipuro naaryawe Yesu ni yahokurusela nrepa naaryawe owuntaky'ole.

Vano, ncuwele wiira Mwanawe Pinatamu haana ulamuli woolevelela itampi vathi va, vaavale ahomwiirela owuntakyaa: Mi kinawulamulela: Wunwe, ukuse nrepa naa ni urwee uwanyaa.

Itthu yootepa urika phivi? Umwiirela owuntaky'ole: Itampi caa ciholeveleliya; atthuna umwiirela: Wunwe, ukuse nrepa naa ni weette?

Ntthu ule ahonwa, ahokusa nrepa nawe ni ahokhuma ooniyaka na atthu ale othene, mpaka othene wuumiya mwaano, ni yaananttottopela Nluku yiiraka: Khaninoona itthu toko ila nakhaleru!