Popular Bible Verses from Marku 9

Share

Yesu ahomwiirela: Wooryaka! Ntthu nokupali citthu cothene cinawooryanyaa.

Nenna nna, athumwane mwana oyo yahokhuwa: Kinaakupali; nkikavihere uhikupali waka!

Ukela wawe mpaani, eetthuci yahonkoka veekhawe: Nlattuni hi khanoonrye woomola? Ahaakhula: Nloko nna ninoomoliya ni iswali ni utthuka paahi.

Maakha phi itthu yoorera, nanso yathatuwaka ooririya, ammolukiya ni isiyani? Nkhalaneke maakha mwa nyu ni mweetteke ni mpuha ntthu ni nkhwawe.

Ntthu nomwaakhelela mwana mwa ncina naka, nokaakhelela mi, ni ntthu nokaakhelela mi, khankaakhelela mi, nanso ule kirumile.

Ntthu noovahani ikahi yo maasi wiira mmurye nlattu wookhala eetthuci awe Kristu, khweli, kinawuhimeryani wiira khanhaleela mena vakani itthuvo awe.

Ntthu nohala unkosiha mmoca acikani ankikupali mi, phatari atthukeleliye nsiko mmo nsilo noosileliya ni avonyeriye mpaharini.

Wakhala wiira niitho naa ninawukosiha, uphele. Phatari ukela umweneni wa Nluku ni niitho nimoca, wahohiyana ukhalana oomeeli n'uvonyeriya umooroni.