Popular Bible Verses from उत्पत्ति 17

Share

ज़ैखन अब्राम 99 सालां केरो भोइ जेव, तैखन यहोवा तैस दर्शन देइतां ज़ोवं, “अवं सर्वशक्तिमान परमेशर आईं; मेरी हज़ूरी मां च़ल ते सिद्ध भोतो गा।

एल्हेरेलेइ अज़्ज़ेरां बाद तेरू नवं अब्राम न रालू पन तेरू नवं अब्राहम भोल्हु; किजोकि मीं तू कौमां केरो बुज़ुर्ग बनेवरोस।

ते अवं तीं सेइं, ते तेरे बादे मां पीढ़ी-पीढ़ी तगर तेरे खानदाने सेइं भी इस गल्‍लरो जुगे-जुगे तगर करार केरताईं, कि अवं तेरो ते तेरे बाद तेरे खानदानेरो भी परमेशर भोइलो।

“हेर, मेरो करार, तीं सेइं साथी बनोरो रालो, एल्हेरेलेइ तू बड़े कौमां केरे टोली केरो बाजी भोइ गालो।

तैखन परमेशरे ज़ोवं, “ज़रूर तेरी कौन्श सारारू तीं सेइं अक मट्ठू पैदा भोल्हु; ते तू तैसेरू नवं इसहाक रेखां; ते अवं तैस सेइं एरहो करार केरेलो ज़ै तैसेरे बाद तैसेरे खानदानेरे लेई जुगे-जुगेरो करार भोल्हो।

ते अवं तीं, ते तेरे बाद तेरे खानदाने भी, ई सारो कनान मुल्ख, ज़ैस मां तू परदेशी भोइतां रहतस, एन्च़रां देइलो कि तै जुगे-जुगेरे लेई तैन केरि अपनि ज़मीन भोल्ही, ते अवं तैन केरो परमेशर भोइलो।”

तैखन अब्राहम तुत्तरेरे भारे तल्‍ले मां झुको ते हस्सो, ते मने-मने मां ज़ोने लगो, “कुन 100 सालेरे मड़दे भी औलाद भोल्ही ते कुन सारा ज़ै 90 सालां केरीए तै मट्ठू ज़ाली?”

फिरी परमेशरे अब्राहमे सेइं ज़ोवं, “तेरी ज़ै कौन्श सारै आहे, तैस जो तू हुनी सारै न ज़ोइयां, तैसेरू नवं सारा भोल्हु।

तुस अपने-अपने चेमड़रो खतनो करेइयथ: ज़ै करार मेरे ते तुश्शे दरमियाने, तैसेरो निशान ईए भोल्हो।

पन अवं अपनो करार इसहाके सेइं साथी केरेलो ज़ै सारा सेइं एग्री साल ठीक वक्ते पुड़ पैदा भोल्हो।”

पीढ़ी-पीढ़ी मां सिर्फ तेरे खानदानेरे लोक नईं पन ज़ैना तेरे घरे मां पैदा भोवरे भोन, चाहे परदेशी कीमत देइतां घिन्ने गान, एरां सब मट्ठां भी ज़ैखन अठ दिहाड़े केरां भोन, तैखन तैन केरो खतनो कियो गाए। ज़ैना तेरे घरे मां पैदा भोन, या रुपेइये देइतां घिन्नोरे भोन, तैसेरो खतनो ज़रूर कियो गाए; एन्च़रां मेरो करार, ज़ेसेरो निशान तुश्शी जानी मां भोल्हो तै जुगे-जुगे रालो।