Popular Bible Verses from उत्पत्ति 22

Share

अब्राहमे तैस ठारारू नवं यहोवा यिरे रख्खू, इसेरे मुताबिक अज़ तगर भी ज़ोवं गाते, “यहोवारे पहाड़े पुड़ दित्तू गालू।”

परमेशरे ज़ोवं, “अपने मट्ठे मतलब अपने अकैल्‍ले मट्ठे इसहाके, ज़ैस सेइं तू प्यार केरतस, साथी नेइतां मोरिय्याह मुल्खे मां च़लो गा, ते अवं तैड़ी तीं अक पहाड़ हरेइलो ते तू तैस तैड़ी होमबलि केरतां च़ाढ़।”

तैने ज़ोवं, “एस मट्ठे पुड़ हथ न च़ला, ते न एस सेइं किछ केर; हुनी मीं पतो लग्गो कि तू परमेशरेरो डर मन्नेबालोस, किजोकि तीं मीं करां अपनु अकैल्‍लू मट्ठू बलि केरने करां भी परवाह न की।”

अब्राहमे ज़ोवं, “हे मेरे मट्ठा, परमेशर होमबेलरे लेई गबड़ेरो इंतज़ाम एप्पु केरेलो।” ते तैना दूईये साथी-साथी अग्रोवं च़लते जे।

इस वजाई सेइं अवं ज़रूर तीं बरकत देइलो; ते ज़रूर तेरे खानदाने अम्बरेरे तारे, ते समुन्दरेरे बन्नेरी रेतरे ज़ेरे बेशुमार केरेलो, ते तेरे खानदानेरे लोक अपने दुशमनां केरे नगरां केरे मालिक भोल्हे; ते धेरतरे सैरी कौमन तेरे खानदानेरे वजाई सेइं बरकत मैल्हेली: किजोकि तीं मेरो हुक्म मन्नोरोए।”

इन गल्‍लां केरे बाद एरू भोवं कि परमेशरे, अब्राहमे सेइं इन ज़ोइतां तैसेरी अज़मैइश की, “हे अब्राहम!” तैने ज़ोवं, “अवं हाज़र आईं।”

तैखन यहोवारे दूते सुर्ग मरां तैस हक देइतां ज़ोवं, “हे अब्राहम, हे अब्राहम!” तैने ज़ोवं, “हेर, अवं इड़ी आईं।”

फिरी यहोवारे दूते दूइयोवं फेरे सुर्गे मरां अब्राहमे हक देइतां ज़ोवं, “यहोवा इन ज़ोते, कि अवं अपनि कसम खाताईं कि तीं ज़ैन इन कम कियोरूए कि अपने मट्ठे, बल्के अपनु अकैल्‍लू मट्ठू भी, न छ़डू

ज़ैखन तैना तैस ठारी पुज़्ज़े, ज़ेसेरे बारे मां परमेशरे तैस सेइं ज़ोवरू थियूं; तैखन अब्राहमे तैड़ी अक वेदी बनेइतां कैड़ु केरो ढेर लव, ते अपनु मट्ठू इसहाक बेन्धतां वेदी पुड़ रखोरे कैड़न पुड़ रख्खू।