Popular Bible Verses from उत्पत्ति 25

Share

तैखन यहोवा तैस सेइं ज़ोवं, “तेरे पेटे मां दूई कौमन, ते तेरे पेट मरां निसते दूई रियासतरे लोक अलग-अलग भोल्हे, ते एक्‍की रियासतरे लोक होरि करां जादे ताकतबर भोल्हे ते बड्डू मट्ठू निकड़ेरी सेवा केरेलू।”

तैखन एसावे याकूबे सेइं ज़ोवं, “ऊ ज़ै लाल चीज़े, तैस्से लाल चीज़ी मरां मीं किछ खाने जो दे, किजोकि अवं थकोरो आईं।” इस्से वजाई सेइं तैसेरू नवं एदोम भी पेव।

इसहाकेरि कौन्श त बेऔलाद थी, एल्हेरेलेइ तैने तैसेरेलेइ यहोवा कां बिनती की; ते यहोवा तैसेरी बिनती शुनी, एन्च़रां तैसेरी कौन्श रिबका दोज़ींती भोइ।

एसावे ज़ोवं, “हेर, अवं त हुन्ना मरने पुड़ आईं एल्हेरेलेइ बड्डे भोनेरे हक्‍के सेइं मेरो कुन फैइदो भोल्हो?” याकूबे ज़ोवं, “मीं सेइं हुन्ना कसम खा,” ते तैने तैस सेइं कसम खई, ते अपनु बड्डेरू हक याकूबेरे हथ्थे बेच़ी छ़डू।

फिरी तैसेरो ढ्ला अपने हथ्थे सेइं एसावेरी थूड़ी ट्लेइतां ज़र्मो; ते तैसेरू नवं याकूब रख्खू जेवं। ज़ैखन रिबका तैन्न ज़र्म दित्तू तैखन इसहाक 60 सालां केरो थियो।

इसहाक एसावेरे शिकारेरू मास खातो थियो, एल्हेरेलेइ तै तैस सेइं प्यार केरतो थियो; पन रिबका याकूबे सेइं प्यार केरती थी।