Popular Bible Verses from उत्पत्ति 37

Share

एक्सां यूसुफे अक सुपनु लावं, ते तैनी तैन सुपनु अपने ढ्लान सेइं शुनावं तैखन तैना तैस सेइं मना जादे बैर केरने लगे।

ते इस्राएल अपने सेब्भी मट्ठन करां बेद्धतां यूसुफे सेइं जादे प्यार केरतो थियो, किजोकि तैन तैसेरे बुढापेरू मट्ठू थियूं: ते तैनी तैसेरेलेइ रंग-बिरंगो चोगो बनेवरो थियो।

पन ज़ैखन तैसेरे ढ्लाएईं एन हेरू, कि इश्शो बाजी असन सेब्भी ढ्लान करां जादे तैस सेइं प्यार केरते, तैखन तैना तैस सेइं बैर केरने लगे ते तैस सेइं रोड़ेच़ारे गल भी न थिये केरते।

फिरी तैनी अक होरू सुपनु लावं, ते तैनी तैन सुपनु अपने ढ्लान सेइं ज़ोवं, “शुना, मीं अक होरू सुपनु लाहेरूए, कि दिहाड़ो ते चाँदनी, ते यारहे तारे मीं कां मथ्थो टेकने लगे।”

तैसेरे ढ्ला त तैस पुड़ मना जादे ज़लते थिये; पन तैसेरे बाजेईं तैसेरी तैना गल्‍लां याद रेखी।

तैनी तैन सेइं ज़ोवं, “ज़ैन सुपनु मीं लाहेरूए, तैन शुना, असां सब लोक उडारे मां फेक्‍की बन्धने लगोरेम, ते मेरी फक्‍की सिद्धी खड़ी भोइ जेई; तैखन तुश्शे फेक्‍केइं च़ेवरे पासना घेरो दित्तो, ते मेरी फेक्‍की कां झुकने लेगि।”

एल्हेरेलेइ एज्जा, अस एस मैरतां एक्‍की गत्ते मां छ़ेडी देम, ते एन ज़ोमेले, कि केन्चे जंगली जानबरे तै मारोरोए, ते फिरी हेरमेले कि तैसेरे सुपनेरो कुन फल भोल्हो।”

तैखन मिद्यानी बुपारी तैस पासेरां च़लते-च़लते तैन कां नेड़े पुज़्ज़े। ते यूसुफ तैसेरे ढ्लाएईं तैस गत्ते मरां बेइर कढो, ते इश्माएली बुपारी लोकन जो चैंदरे 20 सिकन मां बेच़ी दित्तो; ते तैनेईं यूसुफ मिस्र मुल्खे जो नियो।

ते तैना एप्पु मांमेइं ज़ोने लगे, “हेरा, तै सुपनु लहंने बालो एवरोए।

ज़ेरो तैनेईं तै दूरेरां एइतो लाव, त तैस नेड़े एजने करां पेइले तैस मारनेरी साज़िश की।

फिरी रूबेने तैन सेइं ज़ोवं, “खून न केरथ, तैस जंगले मां इस गत्ते मां छ़डम, ते तैस पुड़ हथ खड़ो न केरम।” तै तैस तैन करां छुटेइतां अपने बाजी कां पुज़ानो चातो थियो।