Popular Bible Verses from उत्पत्ति 9

Share

फिरी परमेशरे ज़ोवं, “ज़ै करार अवं तुसन सेइं, ते ज़ेत्रे ज़ींते प्राणी तुसन सेइं साथीन तैन सेब्भन सेइं जुगां-जुगां केरे पीढ़ी-पीढ़ी केरे लेई केरताईं; तैसेरो ई निशान भोल्हो: कि मीं बिदलारी मां अपनि बुन्ज़ल लट्ठ रख्खोरीए, तै मेरे ते धेरतरे दरमियान करारेरो निशान भोल्हो।

बिदलारी मां ज़ै बुन्ज़ल लट्ठ भोल्ही अवं तैस हेरतां ई हमेशारो करार याद केरेलो, ज़ै परमेशरे धेरती पुड़ सब ज़ींते जिसमे बाले प्रैणन सेइं कियोरोए।”

ज़ै कोई इन्सानेरे खून केरेलो तैसेरो खून मैन्हु करां कराव गालो, किजोकि परमेशरे मैन्हु अपने रूपे मां बनेवरोए।

फिरी परमेशरे नूह ते तैसेरे मट्ठन बरकत दित्ती ते तैन सेइं ज़ोवं, “फुला-फल्‍ला ते बधा ते धेरती मां भेरोई गाथ।

सब च़लनेबाले जीप तुश्शे खाने लेई भोल्हे; ज़ेन्च़रे तुसन नीले-नीले निक्‍के बुट दित्तोरे थिये, तेन्च़रे तुसन सब किछ देताईं।

तुश्शो डर ते खोफ धेरतरे सब जानबरन, ते अम्बरेरे सब च़ुड़ोलन, ते धेरती पुड़ सब पेटेरे भारे च़लनेबाले जीपन, ते समुन्दरेरी सब मेछ़लन पुड़ बनोरो रालो तैना सब तुश्शे कैबू मां किये गातन।

ते तुस त फुला-फल्‍ला ते बधा ते धेरती पुड़ बड़े बच्‍चे पैदा केरतां तैस मां भेरोई गाथ।”