Popular Bible Verses from सपन्याह 3

Share

तेरो परमेशर यहोवा तीं सेइं साथीए, तै बच़ानेबालो बड़ो शक्तिमाने। तै तेरे वजाई सेइं खुशी मनालो, ते तै अपने प्यारेरे वजाई सेइं च़ुप रालो, फिरी उच्‍चे आवाज़ी सेइं गीतां ज़ोतो तेरे वजाई सेइं मघन भोल्हो।

तैस्से मौके अवं तुसन नेइलो, ते तैस्से मौके अवं तुसन अकोट्ठे केरेलो। ते सेभी केरे सामने तुश्शी समृद्धि वापस देइलो, तैखन धेरतरे सैरी कौमां केरे दरमियान अवं तुश्शी इज़्ज़त ते तारीफ़ बधेइलो,” यहोवा इन ज़ोते।

यहोवाए तेरी सज़ाह दूर कियोरीए, ते तेरे दुश्मन दूर कियोरेन। इस्राएलेरो राज़ो यहोवा तेरे दरमियाने मांए, एल्हेरेलेइ फिरी तीं पुड़ आफत न एज्जेली।

तैस मौके अवं तैन सेभन सेइं ठीक बर्ताव केरेलो ज़ैना तीं दुख देतन। अवं टोन्टन बेझ़ोइलो, ते ज़बरदस्ती कढोरे लोक अकोट्ठे केरेलो, ते ज़ैन केरे शरमरी चर्चा सारे धेरती पुड़ फैलोरीए, तैन केरि तारीफ़ ते मुशूरी हर पासे फैलेइलो।