Popular Bible Verses from मरकुस 13

Share

कने माह पर विश्वास करने रिया वजह ते बौहत सारयां लोकां तुहांजो नफरत करनी; पर सै जे सताव रे आखिरी दिनां तक मेरे विश्वासा च बणीरा रैहन्गा, सै बचाया जाणा।”

इस खातर त्यार रौआ! हमेशा सम्भल़ी ने रौआ! काँह्भई तुहें नीं जाणदे भई सै वगत काहलूं औणा।

ताहली जे तुहांजो गिरफ्तार करील्या जाओ कने अदालता च लेई जाया जाओ, तां पैहले ते चिन्ता देखां करदे, भई अहां क्या बोलणा। पर सै जे किछ तुहांजो तिस वगत दस्या जाणा, सैई बोलणा; काँह्भई बोलणे औल़े तुहें नींये, पर पवित्र आत्मा।”

अम्बरा कने धरती खत्म हुई जाणे, पर मैं सै जे बोलित्या, सै पूरा हुईने इ रैहणा।

“मेरे औणे रे तिस असली वगता जो कोई नीं जाणदा। नां स्वर्गा रे दूत कने नां हऊँ परमेशरा रा पुत्र जाणाँ; पर सिर्फ मेरा पिता जाणाँ।

कने तंजे तुहें लड़ाईयां, कने लड़ाईयां री चर्चा सुणो, तां घबरान्दे देखां; काँह्भई इन्हांरा हूणा जरूरी आ, पर तिस वगत संसारा रा अन्त नीं हूणा।

यीशुये अपणे चेलयां ने बोल्या, “इस खातर त्यार रौआ; काँह्भई तुहें नीं जाणदे भई घरा रे मालका यनि मांह किस वगत आई जाणा, संझा जो, अधिया राति जो, कुकड़ा रे झांग देणे रे वगत या भ्यागा। येढ़ा नीं हो भई ताहली जे मांह अचानक औणा, तां हऊँ तुहांजो त्यार नीं पाऊँ। कने सै जे हऊँ तुहांजो बोलां, सैई सब्बीं ने बोलां : ‘सदा त्यार रौआ!’”

काँह्भई इक्की जातिया दुज्जिया जातिया पर, कने राज पर राज चढ़ाई करनी। बौहत सारी जगहां च हिलण हुणे, कने नकाल़ पौणे। लोकां री पीड़ त जनाना रे बच्चा पैदा करने री पैहली पीड़ा रिया शुरुआता साई हूणी।”

पर ये जरूरी आ भई संसारा रा अंत होणे ते पैहले मेरे बारे च खुशखबरी सब्बीं देशां च प्रचार कित्ती जाओ।

कईयां लोकां औणा कने बोलणा भई मैं तिन्हांजो भेज्जिरा, ‘हऊँ मसीह आ,’ कने तिन्हां कई लोकां जो भरमाणा।

“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

“तिन्हां दिना च तिस दुखा ते बाद सूरज अन्धेरा हुई जाणा, कने चन्द्रमे लोय नीं देणी; कने अम्बरा ते तारे पौणे लगणे; कने अम्बरा री शक्तिशाली चीजां जो तिन्हां रिया जगह ते हिलाया जाणा।”