Popular Bible Verses from मरकुस 2

Share

यीशुये ये सुणीने तिन्हांने गलाया, “भले चंगयां जो डाक्टरा री जरूरत नीं, पर बमाराँ जोई। हऊँ तिन्हां लोकां जो सदणे खातर नीं आईरा सै जे अप्पूँजो धर्मी समझां ये, पर तिन्हांजो सै जे जाणां ये भई सै पापी ये।”

ताहली जे यीशुये ये जाणया भई सै तिस पर विश्वास करां ये, तिस लकवे रे रोगिये जो गलाया, “बेटा, हऊँ तेरे पापां जो माफ करां।”

तां यीशुये तिन्हांजो गलाया, “परमेशरे विस्राम रा दिन लोकां री सहुलियता रे खातर बणाया, पर तिने लोकां जो विस्राम दिना खातर नीं बणाईरा।

पर ताहली जे सै भीड़ा रिया बजह ने यीशुये रे नेड़े नीं ल्याई सक्के, तां तिन्हें तिस छत्ता जो पट्टया तिसरे थल्ले जे यीशु था; कने तंजे तिसाजो पट्टी चुक्के, तां तिसा पाल़किया जो तिस पर जे सै लकवे रा रोगी पैईरा था, थल्ले यीशुये रे सामणे त्वारीत्या।

पर इस खातर भई तुहांजो ये पता लगी जाओ भई मिन्जो यनि माहणुये रे पुत्रा जो धरतिया पर पाप माफ करने रा बी अधिकार आ।” यीशुये तिस लकवे रे रोगिये जो गलाया, “हऊँ तेरने बोलां, उट्ठ, अपणिया पाल़किया चक्कीने अपणे घरा जो चली जा।”

यीशुये यहूदी शास्त्रियां ने बोल्या लकवे रे रोगिये जो ये बोलणा मुश्कल नींआ भई ‘तेरे पाप माफ हुये,’ काँह्भई कोई इसजो साबित नीं करी सकदा। पर कोई तिसजो बोल्ली नीं सकदा, भई ‘उट्ठ अपणिया पाल़किया चक कने चलने फिरने लगी जा’ जे हकीकत च तिसले ठीक करने री सामर्थ नीं।

इकदम इ सै माहणु उट्ठया, अपणी पाल़की चक्की कने सब्बीं लोकां रे सामणे ते निकल़ीने चलिग्या; सारे लोक सै जे तिस्सो देक्खी रां थे, हैरान रैईगै कने सै सारे ये बोल्लीने परमेशरा री बडयाई करने लगे भई “अहें येढ़ा कदीं मनी देख्या।”