Popular Bible Verses from यहून्ना 1

Share

पर जिन्हें से अपनाया, जो तेस पर विस्वास रख्हा ऐं, तिन्हें तिन्हा जो परमेसरा रे बच्चे हूंणे रा हक दितेया।

पुरे संसारा जो रचणे ले पैहले से था, जेस जो बचन बोल्या जाहाँ था, होर से परमेसरा साउगी था, होर सेई परमेसर था।

होर जोत नह्यारे मन्झ चम्का ई; होर नह्यारा तेस जो नी बुझाई सकेया।

होर परमेसरा रे बचने माह्णुं रा रूप धारण कितेया, होर अनुग्रह होर सच्चाई किन्हें भर्ही किन्हें आस्सा मन्झ डेरा कितेया, होर आस्से तेसरी एह्ड़ी महिमा देखी, जेह्ड़ी बापू रे एकलौते मह्ठे री।

परमेसरे सभ कुछ तेसरे ज्रीए रच्या, होर जो कुछ रच्या गया, तेता मन्झा ले कोई भी चीज तेसरे बगैर नी रची गई। से सारी जिन्दगीया रा सोता था, होर सेई आ जेह्ड़ा सभ माह्णुं जो जोती देआ।

दूजे ध्याड़े यहून्ना बपतिस्मा देणे वाल़े यीसू जो आपणी तरफ आऊंदे देखी किन्हें बोल्या, “देखा, ये परमेसरा रा छेलू आ, जो संसारा रे पापा जो चक्की लैहां।

से आपणे ही संसारा मन्झ आया था, जेस जो परमेसरे तेसरे ज्रीए रच्या, पर एस संसारा रे लोके से नी पछयाणेया। से आपणे ही लोका मन्झ आया होर तेसरे आपणे ही लोके से नी अपनाया।

होर से जे सच्ची जोती, हर एक माह्णुं जो प्रयासा देहां ईं संसारा मन्झ आऊणें वाली थी।

इधी कठे कि मूसा री व्यवस्था मूसा रे ज्रीए मिली, पर अनुग्रह होर सच्चाई प्रभु यीसू मसीहा रे ज्रीए पूजे।