Popular Bible Verses from OMOCHANKO 25

Share

Omonene akamoiraneria, “Ebisaku bibere mbire enda yao ime, abanto babere orache koibora, na barabwo mbaatananekane korwa okoiborwa kwabo; oyomo nabe ne chinguru kobua oria onde, oria omonene nakorere oria omoke.”

Na Esau agasaba Yakobo, “Koranche, ong’e endagera eyio embariri indie, ekiagera nanyarekire.” Ase ayio bakamoroka Edomu (engencho yaye, omobariri).

Isaka agasabera mokaye ase Omonene, ekiagera nigo arenge omogomba. Omonene akaigwa ogosaba kwaye, na Rebeka mokaye akaba morito.

Esau agateba, “Rora, inche nigo inde ang’e gokwa, omwando oyo bw’okoiborwa kw’obotangi inki orankonye?” Yakobo akamotebia, “Karatiana ritang’ani asende,” Esau agatiana, erio akaooneria Yakobo omwando oye bw’okoiborwa kw’obotangi.

Nyuma yaye oyomwabo agasoka, okoboko kwaye kobwatete egetingiro gia Esau na ere bakamoroka Yakobo. Isaka nigo arenge nemiaka emerongo etano nomo, ekero mokaye abaiborete.

Isaka nigo amwanchete Esau, ekiagera arenge komorentera chinyama chi’obotwari bwaye; korende Rebeka nigo amwanchete Yakobo.