Popular Bible Verses from MWAMBĨLĨLYO 39

Share

Na Yeova aĩ vamwe na Yosevu, nake aĩ mũndũ mũathime; na aĩ nyũmbanĩ ya vwana wake Mũmisili.

Na kyonthe kĩla waĩ nakyo aia kw’okonĩ kwa Yosevu; o na ndaamanya kĩndũ o na kĩva kĩla kyaĩ nake, ate o lĩu ũla waĩsaa. Na Yosevu aĩ mwanake, na aĩ na wũmbe mũseo.

Na mũsũvĩi wa kolokolo aia kw’okonĩ kwa Yosevu ovwa onthe ala maĩ kolokolonĩ; na ũndũ o na wĩva w’onthe ũla meekaa vo, nĩwe waĩ mwĩkĩthya waw’o.

Na vwana wa Yosevu amwosa, amwĩkĩa kolokolonĩ, vandũ vala ovwa ma mũsumbĩ mooveawa: nake ekala vau kolokolonĩ. Ĩndĩ Yeova aĩ vamwe na Yosevu, na amwĩka nesa, na amũnenga kwona ũseo methonĩ ma mũsũvĩi wa kolokolo.

Na kweethĩwa ĩtina wa maũndũ asu, mũka wa vwana wake amũtemethya Yosevu metho; na amwĩa, Koma nakwa. Ĩndĩ alea, na amwĩa mũka wa vwana wake, Sisya, vwana wakwa ndesĩ kĩla nĩ nakyo nyũmbanĩ, na aiĩte kyonthe kĩla wĩ nakyo kw’okonĩ kwakwa: nake ti mũnene nyũmbanĩ ĩno kwĩ nyie; o na ndaambata kĩndũ o na kĩva ate o we, nĩkwĩthĩwa, we, wĩ mũka wake: ndonya ata kwĩka ũthũku ũsu mũnene, na kũmũvĩtanĩsya Ngai?

Na kweethĩwa ĩvinda o ta yĩu, avota nyũmbanĩ atethye wĩa wake; na kũtyaĩ ũmwe wa aũme ma nyũmba ku nthĩnĩ. Na amũkwata ngũa yake, akĩmwĩa, Koma nakwa: na atia ngũa yake kw’okonĩ kwake, na akuthũka athi nza.