Popular Bible Verses from MATHAYO 18

Share

Nĩkwĩthĩwa vala ve elĩ kana atatũ mombene syĩtwanĩ yakwa, nyie nĩ vo katĩ woo.

Ĩngĩ nĩngũmwĩa, ethĩwa elĩ ma inyw’ĩ makeew’ana kũũ nthĩ ũndũnĩ o na wĩva ũla makavoya, makeekwa ũndũ ũsu nĩ Asa wakwa ũla wĩ ĩtunĩ.

Na eeta kana kanini, akaũngamya katĩ woo, na asya, Nĩ w’o nĩngũmwĩa, Mwalea kũalyũka mwĩthĩwe ta syana nini, mũikalika nongi ũsumbĩnĩ wa ĩtu.

O ũla ĩndĩ ũkenyivya ta kana kaa kanini, ũsu nĩ mũnene ũsumbĩnĩ wa ĩtu.

Na o ũla ũkosa kana kamwe kanini kailyĩ kaa syĩtwanĩ yakwa embosa nyie

Nĩ w’o nĩngũmwĩa, Maũndũ o na meva ala mũkova kũũ nthĩ makethĩwa me move ĩtunĩ; na maũndũ o na meva ala mũkathasya kũũ nthĩ makethĩwa me mathasye ĩtunĩ.

Asa wakwa wa ĩtunĩ akamwĩka inyw’ĩ o ta ũu, mwalea kũekanĩa kĩla mũndũ na mwana‐a‐ĩthe kuma ngoonĩ syenyu.

ĩndĩ ũla ũkalulutĩkya kamwe ka tũũ tũnini tũla tũmbĩtĩkĩlaa, nĩwaĩle kwoveewa ngingo ĩvia ĩnene ya ũthia, na akĩkw’a kyũngũnĩ kya ũkanga.

Mwĩona ata? Ethĩwa mũndũ o na wĩva e na malondu ĩana, na yĩmwe yamo yĩkyaa, ndeũtia ala mĩongo kenda na kenda, na akĩthi iĩmanĩ kũmantha yĩla yau?