Popular Bible Verses from MATHAYO 26

Share

Syaĩĩsyai na voyai, nĩ kana mũikalike ũtatwanĩ: veva nĩw’o ũkwenda, ĩndĩ mwĩĩ ndwĩ na vinya.

Nĩvo ĩndĩ wameie, Ngoo yakwa nĩkũũũya mũno, o na kũvika kĩkw’ũ: ĩkalai vaa, mũsyaĩĩsye vamwe nakwa.

Nake aendanga mbee vanini, na avalũka na ũthyũ wake, na avoya, akyasya, Asa wakwa, ethĩwa ũũ nũtonyeka, kĩkombe kĩĩ nĩkĩnthonoke: ĩndĩ ti ũndũ ngwenda nyie, ĩndĩ ũndũ ũkwenda we.

nũndũ ĩno nĩyo nthakame yakwa ya ũtianĩo, ĩla ĩĩtĩkwa kwondũ wa aingĩ kwa ũekeo wa naĩ.

Na makĩya, Yesũ oosa kĩmũtũ, akĩathima, na akĩtilanga; na anenga amanyĩw’a, na asya, Osai, mũye; kĩĩ nĩkyo mwĩĩ wakwa.

Na oosa kĩkombe, na atũnga mũvea, na amanenga, akyasya, Nyw’ai inyw’onthe

Na athi vala ve amanyĩw’a make, na amethĩa makomete, na amwĩa Vetelo, Nĩkĩ, mũinatonya kũsyaĩĩsya vamwe nakwa o na saa ũmwe?

Ĩndĩ nĩngũmwĩa, Kuma yu ndikanyw’a ya ũsyao ũũ wa mũsavivũ, mũvaka mũthenya ũla ngamĩnyw’a yĩ nzaũ vamwe nenyu ũsumbĩnĩ wa Asa wakwa.

Na Vetelo alilikana ndeto ĩla ĩnaneeniwe nĩ Yesũ, Nzamba ĩtanamba kwasya, ũkangaĩa katatũ. Nake aumaala, na aĩa kĩĩo kĩ woo.

Ũkĩlai, tũthi: sisyai, nũthengeee ũla ũnũũmbũnyanĩa.

Na ĩndĩ Yesũ amwĩa, Tũngĩa ũvyũ waku vandũ vaw’o: nũndũ onthe ala makwataa ũvyũ makaanangwa na ũvyũ.