Popular Bible Verses from MATHAYO 28

Share

Endai ĩndĩ mũkatw’ĩkĩthye mbaĩ syonthe amanyĩw’a, mũkĩmavatisa syĩtwanĩ ya Asa na ya Mwana na ya Veva Mũtheu: mũkĩmamanyĩsya kũkwata maũndũ onthe o na meva ala namwĩaĩe: na sisyai, nyie nĩ vamwe nenyu mĩthenya yonthe, kũvika wĩanĩu wa ĩvinda yĩĩ.

Na Yesũ ooka vala maĩ, na aneena nao, akyasya, Nĩnĩnengetwe ũkũmũ w’onthe ĩtunĩ na kũũ nthĩ.

Na mũlaĩka asũngĩa, amea ala aka, Mũikakĩe inyw’ĩ; nũndũ nĩnĩsĩ mwĩmantha Yesũ ũla ũnambiwe. Nde vaa; nũndũ nũthayũũkie o tondũ waisye. Ũkai, mwone vala Mwĩaĩi ũnakomete.

Na ĩndĩ Yesũ amea, Mũikakĩe: endai mũkamatavye ana‐a‐asa makwa mathi Kalilii, na nĩkw’o membona.

Na moombana na atumĩa na masũanĩa, manenga ala asikalĩ mbesa mbingĩ, makyasya, Asyai, Amanyĩw’a make mokie ũtukũ mamũya yĩla twĩĩkomete. Na ũndũ ũsu weew’ĩka kwa ngavana, ithyĩ tũkamũĩkĩĩthya, na kũmũvetea inyw’ĩ thĩna. Na ĩndĩ moosa ila mbesa, meeka o ũndũ mamanyĩiw’e: na ũndũ ũsu wanyaĩĩkw’a kwa Ayuti kũvika ũmũnthĩ.