Popular Bible Verses from MALIKO 14

Share

Na asya, Nau, Asa, maũndũ onthe nĩmatonyeka kwaku; mbĩtĩthya kĩkombe kĩĩ: ĩndĩ ti ũndũ ngwenda nyie, ĩndĩ ũndũ ũkwenda we.

Syaĩĩsyai na voyai, nĩ kana mũikalike ũtatwanĩ: veva nĩ w’o ũkwenda, ĩndĩ mwĩĩ ndwĩ na vinya.

Na nĩ w’o nĩngũmwĩa, O kũla kũkatavanw’a ũvoo mũseo nthĩ yonthe ũndũ ũũ naw’o weekwa nĩ mũndũ mũka ũũ ũkawetwa wĩthĩwe wa kũmũlilikana we.

Na amea, Ngoo yakwa nĩkũũũya mũno o na kũvika kĩkw’ũ: ĩkalai vaa, mũsyaĩĩsye.

Na makĩya, oosa kĩmũtũ, na akĩathima, akĩtilanga, na amanenga, amea, Osai: kĩĩ nĩkyo mwĩĩ wakwa.

Na oosa kĩkombe, na atũnga mũvea, amanenga: na onthe manyw’a yakyo. Na amea, Ĩno nĩyo nthakame yakwa ya ũtianĩo mweũ, ĩla ĩĩtĩkwa kwondũ wa andũ aingĩ.

Na Yesũ amea, Inyw’onthe nĩmũũlulutĩkw’a nũndũ wakwa: nũndũ nĩkũandikĩtwe, Ngakũna mũĩthi na malondũ makanyaĩĩkw’a.

Ũkĩlai, tũthi: sisyai, ũla ũnũũmbũnyanĩa nũthengee.

Na Yesũ amwĩa, Nĩ w’o nĩngũkwĩa, kana we ũtukũ ũũ wa ũmũnthĩ, mbee wa nzamba ĩtanasya kelĩ, ũkangaĩa katatũ.