Popular Bible Verses from MALIKO 2

Share

Na Yesũ eew’a ũũ amea, Ala mate awau mati vata wa mũiiti, ĩndĩ no ala awau: ndyaaũka kwĩta ala alũngalu ĩndĩ nĩ ala athe.

Na Yesũ oona mũĩkĩĩo woo, amwĩa ũla waĩ na ũwau wa kwaa mamutha, Mwana, naĩ syaku nĩsyaekwa.

Na amea, Savato watwiwe nũndũ wa mũndũ, na ti mũndũ nũndũ wa savato

Na meethĩa matitonya kũmũthengeea nũndũ wa mũvivinyano wa andũ, mathaĩlya kĩalanĩ vala waĩ: na mavũthũa, matheesya ũkomo ũla ũsu waĩ na ũwau wa kwaa mamutha ũkomee.

Ĩndĩ nĩ kana mũmanye atĩ Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha), Nĩngũkwĩa, Ũkĩla, ũkue ũkomo waku, wĩnũke.

Ũla ũvũthũ nĩ wĩva, kũtavya ũũ eĩ na ũwau wa kwaa mamutha, Naĩ syaku nĩsyaekwa; kana kwasya, Ũkĩla noyosa ũkomo waku ũende?

Nake ookĩla, na oyu akua ũkomo, aumaala onthe makyona; na kwondũ wa ũu onthe maseng’a, na mamũtaĩa Ngai, makyasya, Tũtyaaona ũndũ ta ũu ĩngĩ nongi.