Popular Bible Verses from MALIKO 4

Share

Na aamũka, na akan’ya kĩseve, na atavya ũkanga, Usya, kilya. Na kĩseve kyausya, na kwaya ũuu mũnene. Na amakũlya, Nĩkĩ mwĩ na w’ĩa? Mũtinamba kwĩthĩwa na mũĩkĩĩo?

Na makwatwa nĩ w’ĩa mũnene, na maneenan’ya ene kwa ene, Ũũ nũũ ĩndĩ, ũndũ o na kĩseve na ũkanga niũmwĩw’a?

Nake mwene aĩ ĩtina akomete mũtonĩ: na mamũamũkya, mamwĩa, Mũmanyĩsya, ndwĩ na ũndũ tũkyaa?

Na amea, Ĩsũvĩei ũndũ mũkwĩw’a: kĩthimo kĩla mũthimaa no kyo mũkathimĩwa; na nĩmũkongeleelwa.

Na amea, Ũsumbĩ wa Ngai nĩ ta ũũ, ta mũndũ wavandie mbeũ mũthanganĩ; na akĩkoma na akĩamũka, ũtukũ na mũthenya, na ila mbeũ ikamea na kwĩana ũndũ ũtesi.

Ethĩwa ve mũndũ wĩ matũ ma kwĩw’a, nĩew’e.