Popular Bible Verses from Kũt 10

Share

“Yu, andũ ma Ĩsilaeli, maũndũ ala Mwĩai Ngai, Ngai wenyu ũkwenda mwĩke nĩmo aa: Mwĩthĩwe na kĩkĩo kyake na kwĩkaa maũndũ onthe ala ũkũmwĩaĩa, mũmwendae na kũmũthũkũmaa na ngoo syenyu syonthe na thayũ wenyu w'onthe, na kwĩkaa ũndũ mĩao na motw'ĩo ma Mwĩai Ngai mekwasya. Namũtavya maũndũ asu ũmũnthĩ nĩ kana maũndũ menyu methĩawe me maseo.

Mwĩai Ngai, Ngai wenyu nĩ mũnene mbee wa ngai syonthe na mavinya onthe. Nĩ mũnene na e ũtonyi, na aĩlĩte kũkĩwa. Ndonanasya kyendi, na ndetĩkĩla kũnengwa ĩtuvi ya wendeesyo.

Kwoou ĩndĩ kuma yu ĩthĩwai mwĩ ewi kũla kwĩ Mwĩai Ngai, na mũieka kwĩthĩwa na ngoo mbũmũ.

Nũnengae syana ndiwa na aka ndiwa ũsili wa katĩ. Nĩwendete aeni ala matũaa na andũ maitũ, na nũmanengae lĩu na ngũa.

Mũtaĩei nũndũ nĩwe Ngai wenyu, na nĩmwonete maũndũ manene na maũseng'ya ala ũmwĩkĩte.

Mwĩw'ei Mwĩai Ngai, Ngai wenyu, na mũimũthũkũmaa e weka. Lũmany'ai nake na kwĩvĩtaa na ĩsyĩtwa yake.

Mwĩai Ngai, Ngai wenyu nĩwe mwene wa matu, o na matu ala me ĩũlũ mũno, nthĩ na syĩndũ syonthe ila syĩ ĩũlũ wayo.

Kwoou o nenyu mwaĩlĩte kwenda aeni, nĩkwĩthĩwa mwaĩ aeni mwĩ nthĩ ya Misili.