Popular Bible Verses from Kuma 3

Share

Ngai amwĩa Mwose, “NINYIE ŨLA NINYIE.” Na asyoka amwĩa, “Ũũ nĩw'o wĩtavya andũ ma Ĩsilaeli: ‘Ũla wĩtawa NINYIE nũndũmĩte kũla mũĩ.’ ”

Ngai nĩwamwĩie atĩĩ, “Ngeethĩawa naku, na yĩla wĩumya andũ asu nthĩ ya Misili, mũkanthaithĩaa kĩĩmanĩ kĩĩ. Ũsu ũkeethĩwa ũĩkĩĩthyo wa kana nyie Ngai ninyie ngũtũmĩte.”

Ngai nĩwamwĩie atĩĩ, “Ndũkathengee vaa. Umya iatũ syaku nũndũ ũũngamĩte vandũ vatheu.

Nĩvo ĩndĩ Mwĩai Ngai wamwĩie, “Nĩnonete ũndũ andũ makwa ala me nthĩ ya Misili meũthĩnw'a, na nĩnĩw'ĩte mayĩĩa nũndũ wa kũthĩnw'a nĩ anene moo, na nĩngũmew'ĩa tei. Kwoou nĩnĩtheete nĩ kana nĩmavonokye kuma ũtonyinĩ wa andũ ma Misili, na ngĩmaumya nthĩ ya Misili nĩmatwae kũndũ kwĩ nthĩ nzeo na nene, nthĩ nthwii na nou, ĩla yu ĩtwĩe Akanaani, Aititi, Aamoli, Avelisi, Aivi na Ayevusi.

Mũlaĩka wa Mwĩai Ngai nĩwamumĩlĩĩle ailyĩ ta ũlĩlĩnzĩ wa mwaki wumĩte kakuthunĩ katĩ. Mwose nĩwoonie kana o na vala kakuthu kau nĩkakanĩte mwaki, kayavĩsaa.

Kwoou ũka ngũtũme kwa mũsumbĩ wa Misili, nĩ kana ũkatongoesye andũ makwa, nzyawa sya Ĩsilaeli, ũmaumye nthĩ yake.”