Popular Bible Verses from Mot 20

Share

Ĩndĩ Mwĩai Ngai nĩweeie Mwose na Alũni atĩĩ, “Nĩkwĩthĩwa mũinandĩkĩĩa na kwonany'a kwa andũ ma Ĩsilaeli kana nyie nĩ Ngai mũtheu, mũikamatwaa makalike nthĩ ĩla nathanie kana ngamanenga.”

“Osa ĩla ndata yiĩtwe mbee wa Ĩsandũkũ ya Ũtianĩo, na wĩ na Alũni mũyũmbany'a andũ onthe ma Ĩsilaeli. Mwĩ vau mbee woo onthe, neenai na ĩvia yĩla yĩ vau na kĩw'ũ nĩkĩkuma ĩvianĩ yĩu, na kwa nzĩa ĩsu nĩmũũnenga andũ na indo kĩw'ũ kya kũnyw'a kuma vo.”

Nĩvo ĩndĩ Mwose wookĩlilye ĩla ndata na akũna ĩvia yĩu kelĩ nayo, na kĩw'ũ kingĩ kyauma vo andũ manyw'a na manyithya indo syoo.

Mwose na Alũni nĩmoombanĩisye andũ onthe ma Ĩsilaeli mbee wa yĩla ĩvia na amea atĩĩ, “Ĩthukĩĩsyei yu inyw'ĩ andũ ang'endu; mwĩenda tũmumĩsye kĩw'ũ ĩvianĩ yĩĩ?”