Popular Bible Verses from Mot 22

Share

Nĩvo ĩndĩ Mwĩai Ngai wanengie ĩng'oi yĩu ũtonyi wa kũneena, na yakũlya Mbalaamu atĩĩ, “Nakwĩka ata nĩ kana ũngũne mavinda asu atatũ?”

Nĩvo ĩndĩ Mwĩai Ngai wavingũie metho ma Mbalaamu nake oona mũlaĩka wa Mwĩai Ngai aũngamĩte nzĩanĩ akwete ũvyũ. Mbalaamu nĩwakomie nthĩ na ĩvu.

Mũlaĩka wa Mwĩai Ngai amũkũlya atĩĩ, “Wakũna ĩng'oi yaku mavinda asu atatũ nĩkĩ? Nooka nzĩanĩ ngũsiĩĩe nũndũ ndwaĩlĩte kwĩthĩwa ũendete kyalo kĩĩ.

Ĩng'oi nĩyamũkũlilye atĩĩ, “Nyie ndi ĩng'oi yaku yĩla yĩũkuaa kĩla ĩvinda kũvika ũmũnthĩ? Naakwĩka ũndũ ta ũũ ĩngĩ?” Mbalaamu nĩwayĩsũngĩie ayĩa, “Aiee.”

Mbalaamu ayĩsũngĩa, “We nĩwambũĩa ngũĩ! Kethĩwa nĩnĩkwete ũvyũ, no nĩkũae oyu.”

Yĩla ĩng'oi yĩu yoonie mũlaĩka, nĩyatindiie o yĩkuĩte Mbalaamu. Nĩwathatiw'e mũno nĩ ĩng'oi yĩu na ayĩkũna na ndata yake.