Popular Bible Verses from मत्ती 23

Share

ज़ो तुमु माझ़िऐ बौड़ौ आ, सेऊ तुमारौ सेवक बौणा।

ज़ुण-कुण आपुलै बौड़ौ बौणा लौ, सेऊ छ़ोटौ बौणा लौ और ज़ुण-कुण आपुलै छ़ोटौ बौणा, सेऊ बौड़ौ कौरीया लौ।”

“ओ कौपटी शास्त्रिउओ और फरीसीउओ, तुमुलै फिटकार! तुमै पुदीनै और सौंफ, और ज़ीरै रौ दौसुऔ भाग ता दिआई, पर तुमुऐ नियमा री खास बुशै, मतलब फैसलौ, और दया, और बफादारी पोरु छ़ाड़ी गोई आ। इणौ च़ांई थौ कि इऊं भी कौरा थै और तिऊं भी नाईं छ़ाड़ा थै।

ओ कौपटी शास्त्रिउओ और फरीसीउओ, तुमुलै फिटकार! तुमै डौंगै और थाल़ी बाइठी ता मांझ़ाई पर सै भितरी आइलै न्यारै और मौल़ा कौरी भौरुई ऐन्दी।

“ओ यरुशलेमा रै लोगुओ, ओ यरुशलेमा रै लोगुओ! तू पुराणै भविष्यवक्ता झ़ांगाई। और ज़ो ताऊं काऐ भेज़ै ई, तिऊं तुमै ढोल़ीयावा ई। केती बारै मुंइऐ च़ाऔ कि ज़िणौ कुखड़ी आपणै टैऐणु आपणै पांखै थालै सौंभाल़ा आ, तिणी ई हाऊं भी तैरै छ़ोहरु सौंभाल़ा ऊ, पर तुमुऐ नाईं च़ाऔ।

एज़ी रीती कौरी तुमै भी बाइरी आइलै भी लोगु कै धौर्मी दिशा ई, पर भितरी आइलै कपट और अधर्मा कौरी भौरुऐ औन्दै ई।”