Popular Bible Verses from मत्ती 28

Share

एथीलै तुमै डैऔ, सारी ज़ाती रै लोगु च़ेलै चाणौ। और तिउंलै बाब, छ़ोहरु, और पवित्र आत्मा रै नावां कौरी बपतिस्मौ दैऔ, और तिउंकै सारी बुशै ज़ो मुंइऐ तुमुलै हुकम दैऔ आ, मानणौ शिखाऔ और शुणौ, हाऊं धौतरी रै आखरी झ़ांऊ तुमु आइलै सौदा रौआऊ।”

यीशुऐ तिऊं काऐ आशीयौ बोलौ, “सौरग और धौतरी रौ सारौ हक्क मुकै आ दैऔ औन्दौ।

सौरगदूतै तिऊं छ़ेउड़ी लै बोलौ, “नाईं डौरौ, हाऊं ज़ाणाऊ कि तुमै यीशु लोड़दै ई लागै औन्दै ज़ो क्रुसा माथै थौ च़ड़ाऔ औन्दौ। सेऊ इदै नाईं आ, पर तेसरै वचना रै मुताबिक ज़िउंदौ हुई ऐरौ आ। आशौ, इऐं ज़ागाह देखौ, ज़िऐ प्रभु थौ छ़ाड़ौ औन्दौ

तैबै यीशुऐ तिउंलै बोलौ, “नाईं डौरौ। मैरै च़ेलेऊ कै डेइयौ बोलौ कि गलीला परदेशा लै डैऔ, तिऐ मुं देखाल़ै”

तैबै सै बौड़ै याजक स्याणै गुरु आइलै कौठै हुइयौ चौपड़ुऐ और सिपाईउ लै भौरी च़ांदी देइयौ बोलौ, “सारेऊ कै इणौ बोलणौ कि राची ज़ैबै आमै सुतै औन्दै थै, ता तेसरै च़ेलेउऐ सेऊ च़ोरिऐ नियौं। और अगर तुमारै सुतणै री बुशै पिलातुस आफसरा रै कौन्थु झ़ांऊ पौउंच़ाली, ता आमै तेस सौमझ़ाई और आमै तुमु मुश्कल़ा कु बौच़ाई।” तैबै तिंउऐ रुपाऐ देइयौ ज़िणौ तिउंकै शिखाऔ औन्दौ थौ, तिणी ई कियौ। एज़ी बुशै आज़ा झ़ांऊ यहुदिऊ दी मशूर आ।