Popular Bible Verses from लुका 23

Share

तत्‌यार ईसु केदो, “ए बाह, आमने माफी आप, काहाके आहया माणहु नी जाणता के आमु ह़ु कर र्‌या।” अने अळतेण तीहया सीपायड़ा ने चीट्‌ठी नाखीन ईसु ना लुगड़ा वाट लेदा।

ईसु तीने पासो केदो, “मे तने ह़ाचली केम, तु आजेत मार ह़ाते ह़रग मे रेही।”

अळतेण तीहयो ईसु ने केदो, “ए ईसु! जत्‌यार तु राजा ना वेह़ मे राज करे ता मारी फोम राखजे।”

तत्‌यार ईसु ज्‌योरेत आड़ीन केदो, “ए बाह! हाव मे मारो आत्‌मा तारा हात मे ह़ोप दम।” आहयु कीन ईसु मर ज्‌यो।

जत्‌यार तीहया ते जागा ने जीने टोबरु केय, तां पुग्‌या। तीहया ईसु ने तांत कुरुस पोर चड़ाया। अने बे गुनेगार्‌या ने एक ने ईसुन डाखरी ह़ोड़ बीजा ने जमणी ह़ोड़ कुरुस पोर चड़ाया।

अने माथेक दाड़े गेथु मांजणीक दाड़े लग। आखा देस मे अंदारु हय ज्‌यु। अने दाहड़ु भबळवा बंद हय ज्‌यु तत्‌यार मंदीर मे वाळो पड़दो फाटीन बे टुकड़ा हय ज्‌यो।

सीपायड़ा नो एक डायलो जे हयु तीहयु आखु देखीन भगवान नी बड़ाय करतो जाय्‌न केदो, “ह़ाचलीन आहयो एक धरमी माणेह हतो।”